ტექსტი

* * * ცოტაც, მზეო, ცოტაც კიდევ

უძილაური ელგუჯა

6825 ნახვა · დღეს 17

ცოტაც, მზეო, ცოტაც კიდევ,
ოქროსაფრებიანო,
იქნებ, ჩასვლა ცხრა მთას იქით
ცოტაც შეაგვიანო.

იქნებ, შევწვდე ზღვისფერ ლაჟვარდს,
ზღვისფერ თვალთა ეშხითა,
ღრუბლებს თავი მოვაწონო
ქართან შეჯიბრებითა.

დავბრუნდები, მზეო, მაგრამ
მეც არ ვიცი, როდისა.
ალბათ, წვიმად შემოვყვები
დღეებს შემოდგომისა.

არ გამოტოვო სიახლეები!

გამოგვყევი ლიტკლუბის Facebook გვერდზე და გაიგე ჩვენი სიახლეები.

გამოგვყევი Facebook-ზე