ტექსტი

ტყეში

მესხი რობერტ

4352 ნახვა · დღეს 28

მითხარი ერთი, ამ ბილიკებს როგორ მოვიშლი?..
მაცილებს მთვარე და რატომღაც ცერად მიყურებს...
შემცივდა წუხელ ფიჭვის ტყეში, მთლად დათოვლილში,
და დეკემბერი საბანივით წამოვიხურე.
ეჰ, სიყვარულო, შენც რომ მწარე ცრემლით დამტირი...
(რა ვქნა, დამჩემდა ბავშვობიდან ზეცის ყურება), _
მე დაგიკოცნე ხელუხლები თოვლი ამ დილით
შენ რომ ჩათვალე მაქციების ნაფეხურებად.

არ გამოტოვო სიახლეები!

გამოგვყევი ლიტკლუბის Facebook გვერდზე და გაიგე ჩვენი სიახლეები.

გამოგვყევი Facebook-ზე