ტექსტი
მამულს
არაბული შაბურა1868 ნახვა · დღეს 20
აქ ვარ... ათასჯერ სიზმრად ნახული
მეათასერთედ უნდა მენახე...
დამაკოცნინე შენი ხახული
და მომაფერე ბებერ ვენახებს.
ამანთებინე ქარში სანთლები,
ამანთებინე და მადარაჯე,
არ მაპატიო ერთი ჩათვლემაც,
გამომაღვიძე წამში მრავალჯერ.
გამახედნინე ურა კვიცები,
ნახო ნალები, დალეწილები...
თუ დაგჭირდება, ღრუბლად ვიქცევი
და შენს ჯეჯილებს დავეწვიმები!..