ტექსტი
*** "გადაიარეს ცაზე ღრუბლებმა"
მეუფე თადეოზი(იორამაშვილი მირიან)გადაიარეს ცაზე ღრუბლებმა,
გადააფინეს ბაღებს ჩრდილები...
სად ხარ, ნანატრო თავისუფლებავ,
მზესავით რად არ გვეღიმილები?!
ვინ არის, ვისაც არ ენატრები,
ვისი სიცოცხლეც ძონძში ფლასია,
შენ გულის-გულში აკელაპტრდები,
სიცოცხლეს მხოლოდ შენი ფასი აქვს...
გადააფინეს ბაღებს ჩრდილები _
გადაიარეს ცაზე ღრუბლებმა,
მზესავით რად არ გვეღიმილები,
სად ხარ, ნანატრო თავისუფლებავ!...