ტექსტი
ეს პირშავი დღე
ფხოველი ჯარჯი2061 ნახვა · დღეს 17
ეს პირშავი დღე არა ჰგავს წამსვლელს:
კვალზე მოგყვება ჯავრით ატანილს...
გაგირბის, მაგრამ ბრუნდება წამსვე
შხამი, გზადაგზა პეშვით ნატარი...
ხსოვნაში წივის დროის ისარი.
მოგონებების კვამლი, სახლში რო
დგება: ის კვამლი შენი ცის არი,
შენი მტვერია, გულის ნახშირი!
თითქოს შავებით ბილიკზე დაგსვეს:
შენს ცრემლს ერევა ცრემლი სატანის...
ეს პირშავი დღე არა ჰგავს წამსვლელს:
კვალზე მოგყვება ჯავრით ატანილს...