ტექსტი
*** "ხმაურობდა ჩიტების დახურული ბაზარი"
ჯავახაძე ვახტანგ27121 ნახვა · დღეს 18
ხმაურობდა ჩიტების დახურული ბაზარი,
დაყოფილი დახლებად, რიგებად და უბნებად,
გამოკეტილ გალიებს აწყდებოდა ბრმასავით –
ჩალის ფასად გასაყიდი ჩიტის თავისუფლება.
უცებ ბიჭი გამოჩნდა, რომელიღაც ჩიხიდან
შემოიჭრა ხალხის და მანქანების ხმაურში,
შეირბინა ბაზარში, სამი მტრედი იყიდა,
გამოვიდა ბაზრიდან და სამივე გაუშვა.