ტექსტი
*** "ვერ გამიგია რა მემართება"
ჯავახაძე ვახტანგვერ გამიგია, რა მემართება,
რა მაკლდება და რა მემატება,
ეს თებერვალი რას მემართლება,
ანდა ეს მარტი რას მემარტება,
რას ნიშნავს ჩემი გაბელატება,
რას ნიშნავს შენი გაბელადება, –
რა უცნაური ასაკებია,
რომელი რომლის ასაკეპია,
ტაძარი ვისი ასაგებია,
ქალაქი ვისი ასაღებია? –
ისე ვკითხულობ, თითქოს ამქვეყნად
სხვა ყველაფერი გასაგებია.