ტექსტი

ერთის პირობით

ჩარკვიანი ჯანსუღ

3039 ნახვა · დღეს 16

მწყურვალისათვის 
მიმატანინე წყალი, 
მევალისათვის 
მიმატანინე ვალი, 
გზააბნეულისთვის 
მასწავლებინე გზები, 
შეუწამლავი 
შემაწამვლინე ზვრები, 
მომაძებნინე 
სხვაგან დამარხული ძმები, 
ამ ჩემს მამულში 
დამამარხვინე ძვლები, 
მათქმევინე: 
ქვეყნად სიცოცხლე ღირდა, 
მერე წამოვალ, 
წამოვალ, საცა გინდა.

არ გამოტოვო სიახლეები!

გამოგვყევი ლიტკლუბის Facebook გვერდზე და გაიგე ჩვენი სიახლეები.

გამოგვყევი Facebook-ზე