ტექსტი
მგელი
ჩოხელი გოდერძი18870 ნახვა · დღეს 20
ბავშვობაში, როცა მთვარე
მიეფარა სერებს,
როცა სახლში დედაც მყავდა
პურიც მქონდა, წყალიც,
ცივ ზამთარში გაღმა ტყიდან
ამოყმუვლდა მგელი.
ეს ხმა იყო გამყინავი,
გამთოშავი, მწველი.
დედას ვკითხე, დედამ კიდე
მიპასუხა;
-მგელი!!!
მთელ იმ ღამეს გაჰყმუოდა,
გაჰყმუოდა:
მგელი!!!
ახლა როცა ცივ ზამთარში
მენატრება დედა
ვგრძნობ, რა ტკბილად
გაჰყმუოდა,
გაჰყმუოდა-
მგელიც!
1995 წ.