ტექსტი
დე, ასე მოხდეს...
ხალვაში ფრიდონ52730 ნახვა · დღეს 1
დე, ასე მოხდეს, _
დავიჩოქო მე შენ წინაშე,
მე _ დამნაშავემ შენი რისხვა დავიმსახურო
და ჩემი სიტყვით გამოხატულ
ცისფერ მირაჟებს
მწარე ცრემლებმა
ნისლის ფრთები გადაახუროს.
და შენი მზერა,
მზერა, როგორც ლაზერის სხივი,
სჭრიდეს ჩემ მიერ აშენებულ
სამყაროს სფეროს,
ის განთიადი მივამგვანო
საყვარელ ღიმილს
და მივეფერო, მივეფერო და მივეფერო.
1966