ტექსტი

გადათოვლილო ტყემლებო...

ხალვაში ფრიდონ

52773 ნახვა · დღეს 18

გადათოვლილო ტყემლებო,

აპრილით გადათოვლილო,

შორიდან შემოგევლები,

ყანაო, მამის მოვლილო.

ამ გაზაფხულზე ზღვაშია

ჩემი ყანაც და ხეხილიც,

ხშირად გავალ და გავივლი

ტიალ გემბანზე გლეხივით.

იების თქეში მწყურია,

კორდზე _ კვიცების ჭენება...

სხეულში ჩამაწურვინა

ბუნების მთელი მშვენება!..

 

1974

არ გამოტოვო სიახლეები!

გამოგვყევი ლიტკლუბის Facebook გვერდზე და გაიგე ჩვენი სიახლეები.

გამოგვყევი Facebook-ზე