ტექსტი

ირას

გრანელი ტერენტი

10098 ნახვა · დღეს 23

შენთან მინდა და ნაპრალთან ვდგევარ,
საშინელი სიმარტოვე ვიგრძენ.
რვა სექტემბრის ქარიანი დღეა,
წინ იშლება უიმედო სივრცე.
ისევ გელი და გიგონებ ხშირად,
მოგონება _ ჩემთვის მძიმე ლოდი.
შემოდგომა ახლოვდება, ირა,
შემოდგომა სიზმარივით მოდის.
შენკენ მოჰქრის ეს ოცნება წმინდა,
უფსკრულია და მე რაღაც მშველის.
შენთან ერთად მე სიცოცხლე მინდა,
შენთან ერთად შემოდგომას ველი.

არ გამოტოვო სიახლეები!

გამოგვყევი ლიტკლუბის Facebook გვერდზე და გაიგე ჩვენი სიახლეები.

გამოგვყევი Facebook-ზე