ტექსტი
კვირაში ერთხელ
ჭეიშვილი გიორგი1523 ნახვა · დღეს 17
ორშაბათს იტირა მზემ,
როცა კაცმა თქვა-
-მზეთუნახავი.
სამშაბათს ტიროდა ცა,
როცა კაცმა თქვა-
-ქალი, რომელსაც თვით ცისარტყელა
ფერებს ჰპარავდა.
ოთხშაბათს, ვიდრე ღმერთად გახდიდა,
ქალი გახადა, და თქვა-
- სამოთხე!
ხუთშაბათს ცოლად შეირთო.
პარასკევს უკვე ტიროდა ქმარი,
რადგან ცოლი გამოდგა
ზედმეტად მიწიერი
და არც ისე ნიჭიერი.
შაბათს, რა თქმა უნდა,
ატირდა ცოლი -
როგორც მზე,
როგორც ცა
და როგორც ქმარი.
ამიტომ უნდა დავტოვოთ ქალი უბრალო ქალად!
მაგრამ ეს ისეთი მოსაწყენია,
რომ სჯობს კვირაში ერთხელ ყველამ იტიროს!