ტექსტი

ლექსი ქართული

სურმანიძე აკაკი

1218 ნახვა · დღეს 21

ჩემი სუნთქვაა ლექსი ქართული
სატევარივით წელგამართული.
- პირით ფხიანი,
- ბწკარვეფხვიანი,
ორომტრიალში
ფიცხლად ჩართული.

ჩემი ლოცვაა
ლექსი ქართული
პატიოსნება
შემონახული.
- ტანვაზიანი,
- მაღალზნიანი,
ტაძრის ჩუქურთმად 
გამოკვალთული.

ჩემი ხსნა არის 
ლექსი ქართული,
ბარემ მოვარდეს
და გადამთელოს.
ლექსმა და ლექსმა
მზით დანამწყემსმა,
უნდა ბუნებით
ისაქართველოს!

არ გამოტოვო სიახლეები!

გამოგვყევი ლიტკლუბის Facebook გვერდზე და გაიგე ჩვენი სიახლეები.

გამოგვყევი Facebook-ზე