დაგავიწყდება

ტექსტი

მწვანედ გაწკვერტილ ბამბუკის წკირებს
მალე დაუთვლის წამებს გამჩენი.
დაგავიწყდება ოცდახუთი თებერვლის ქუჩა,
ოდესღაც ჩამქრალ ჩირაღივით დაგავიწყდება,
არ შეუძლიათ ერთგულობა ამ ცია თვალებს,
ამ ცია თვალებს – მოგონების ყალბი ცრემლებით.
ეს ყველაფერი ის რიგითი სეანსი იყო,
რომელიც სხეულს სჭირდებოდა სულის საოხად,
ჩახმება ჩუმად, ჩაიმტრევა, ჩაინაცრება,
ჩაიხვეწება სამუდამოდ ნაცნობი ფერი,

დაგავიწყდება, ყველაფერი დაგავიწყდება.