ვინმემ რაიმე წამართვა განა (თარგმანი: ჟუჟუნა ხაჯიშვილი)

ვინმემ   რაიმე   წამართვა   განა,

ცალ -ცალკე  რომ  ვართ,   ამითაც  ვტკბები!  

გკოცნით,   ჩვენს   შორის   ახლა   ჩამდგარა

შუა   გამყოფი   კილომეტრები.

 

ვიცი,   მადლი   გვაქვს   არაერთგვარი

და   მ ე   პირველად,   თქვენს   წინ  ვყუჩდები.

რას   გეუბნებათ,   ჭაბუკ   დერჟავინს

ჩემი   ლექსები   გამოუცდელი!

 

საშიშ   გაფრენას   ეწეროს   ჯვარი,

გაშალე   ფრთები,  ლაღო   არწივო!

შენ   მზეს ,  მცხუნვარეს   უსწორე   თვალი,

მე   განა   შემრჩა   მზერა   ყმაწვილის?

ნაბიჯებს   თქვენსას   ვინ  უთვალთვალა

ამგვარ   სინაზით  და  თავდადებით...

გკოცნით,   ჩვენს   შორის  ახლა  ჩამდგარა

შუა   გამყოფი   წელიწადები.