ტექსტი

მწუხრი

დანელია ბათუ

3610 ნახვა · დღეს 21

როიალს უკრავს ვიღაც.
მწუხრი ცას აძრობს ნიღაბს.
დროებში მხიბლავს მწუხრი,
როგორც სიტყვებში «მიყვარს».

მწუხრი აუყვა კიბეს,
რომელიც ჩრდილებს იფენს
და დღე იმსხვრევა, როგორც
მუჭში ფოთოლი მყიფე.

მზეა ჭრილობის მსგავსი _
ბოლო ნაბიჯებს დგამს ის,
მაღლა ვიღაცა უკრავს
და ქუჩებს აწვიმს ბრამსი...

არ გამოტოვო სიახლეები!

გამოგვყევი ლიტკლუბის Facebook გვერდზე და გაიგე ჩვენი სიახლეები.

გამოგვყევი Facebook-ზე