ტექსტი
აღარ დამთავრდა
ქებურია ბელა3550 ნახვა · დღეს 20
აღარ დამთავრდა წელს ეს ზამთარი,
ისევ წვიმაა, თოვლია, ნისლი...
სანაპიროსთან დამთავრდა კვალი
ზღვის და წვიმების ირწევა ისლი...
მარადისობის თუ ლეთას კართან
ისმის შრიალი _ სულთა ფრთებისა,
ფიქრები ტკივილს არწევენ ზანტად
ღამით, ქრებიან გათენებისას.
წვიმების ფარდით თუ თოვლის ბადით,
სამყარო ხურავს კარებს ნაპირთან,
მინებზე სეტყვის კენჭები დარბის
და სარკმლის მიღმა ჩიტი ატირდა.