ტექსტი
ხალხის გენია, ხალხის ნიჭი
ტაბიძე გალაკტიონ95235 ნახვა · დღეს 1
ხალხის გენია, ხალხის ნიჭი
და ძლიერება
ცხოვრების ზღვაზე მიმავალი
ცოდნის გემია,
წარსულის, აწმყოს, მომავალის
მზით იფერება
აკადემია,
დიდებული აკადემია!
მშვიდობა, წინსვლა, მიღწევებზე
არშეჩერება!
შევქმნით იმ მერმისს და ჩვენ ვიტყვით:
რა ედემია!
სამშობლო მხარის
არის დიდი ბედნიერება
აკადემია!
დიდებული აკადემია!
1941