ტექსტი
* * * ჩემთვის სანატრელია...
ტაბიძე გალაკტიონ95279 ნახვა · დღეს 19
ჩემთვის სანატრელია მხოლოდ ეს ხმა, ეს ფერი.
მჯერა ბედს გაანათებს - (და მას მუდამ ველი მე)
ერთი ვარსკვლავთაგანი - (შეიძლება ვესპერი, -
შეიძლება ვენერა, ან და სხვა რომელიმე).
დაგინახავ თუ არა, გული ცემას ახშირებს
და ვერ ვბედავ გამოთქმას ოცდაათი წელია.
ღრმაა ის საიდუმლო, შენთან რომ მაკავშირებს
და ატანა სიმძიმის კიდევ უფრო ძნელია.
1941