ტექსტი

* * * ისევ ერთად მივალთ მთვრალი...

ტაბიძე გალაკტიონ

95287 ნახვა · დღეს 22

ისევ ერთად მივალთ მთვრალი
მე და ჩემი ძველი დარდი,
ზამთარს წაჰყვა თებერვალი
და თებერვალს მიჰყვა მარტი.

ნიაღვრებად მიდის წვიმა,
როგორც მკრთალი სიმზე სიმი.
არავინ არ გაგვიღიმა,
არც გვჭირდება მათი ღიმი.

რა შეიქმნა უსაშველო,
სიკვდილსაც რომ აღარ გვაცლი!
ჩამოგვეხსენ, გულის მკვლელო,
ვერა, სულს ვერ ამოგვაცლი!

1935

არ გამოტოვო სიახლეები!

გამოგვყევი ლიტკლუბის Facebook გვერდზე და გაიგე ჩვენი სიახლეები.

გამოგვყევი Facebook-ზე