ტექსტი
მაღალ მთაზედა ავაგე სასახლე ახალ-ახალი
ტაბიძე გალაკტიონ95274 ნახვა · დღეს 18
ციკლიდან „რევოლუციონური საქართველო“
მაღალ მთაზედა ავაგე
სასახლე ახალ-ახალი,
ლითონზე უფრო მაგარი,
პირამიდებზე მაღალი.
ხალხისთვის სამარადისო
ღიაა მისი კარები:
მე მის უსაზღვრო სიყვარულს
და ნდობას დავემყარები.
მასში პოეტის უკვდავი
დიდება დაისადგურებს,
ვერც დრო, ვერც ჟამთა სიავე,
ვერც ქარი გაანადგურებს.
1931