ტექსტი
არ ცხრებოდა ზღვა იოტით
ტაბიძე გალაკტიონ95274 ნახვა · დღეს 19
ციკლიდან „პაციფიზმი“
არ ცხრებოდა ზღვა იოტით -
მიმზიდველი სილამაზე,
ჩვენც ჭენებით მივდიოდით
ჟუმიეთის შარაგზაზე.
შორს რჩებოდა მინდორ-ველი
გაქანებულ ცხენებს ფეხმარდს,
მერე ცხენი მხნე ნაბიჯით
მიმოქნეულს შეჰყვა შეღმართს.
იშვიათად ნახავ სადმე
უკეთესს და კარგს ამაზე:
მწვერვალიდან ზღვას დაჰყურებს
ისევ იგი სილამაზე.
1930