ტექსტი

* * * თეთრი იძახის: ჰოი, რუსეთი!..

ტაბიძე გალაკტიონ

95275 ნახვა · დღეს 19

ციკლიდან „პაციფიზმი“

თეთრი იძახის: ჰოი, რუსეთი!
რაა მის ფასი?
მკვიდრს კი არ ახსოვს მასსაჩუზეტი,
სწამს მხოლოდ კლასი.

გეგონებოდათ, როდესაც სჩანდა
ტრიბუნა ბრძოლით,
მთვარის ნატეხი, ბოლიდი ან და
აეროლიტი.
ეხლაც კი თითქოს აქ იმისი
მკვეთრი ხმა ისმის:
გათამამება, ძირს ინგლისის
იმპერიალიზმი!

1930

არ გამოტოვო სიახლეები!

გამოგვყევი ლიტკლუბის Facebook გვერდზე და გაიგე ჩვენი სიახლეები.

გამოგვყევი Facebook-ზე