ტექსტი

ბრძოლათა თასი

ტაბიძე გალაკტიონ

95278 ნახვა · დღეს 19

ციკლიდან „ეპოქა“

გეყოფა ლურჯი ნაკადი ცისა,
ხალისიანი და გამჭვირვალე,
აი ეს თასი, ბრძოლათა თასი.
თვალი დაჰხუჭე და გამოსცალე!
დაჩუმდი, კმარა! მალე გაიგებ
სხვა ოცნებისა იდუმალ ძგერას,
იქ, სადაც დროშა აღიმართება,
იქ, სადაც სისხლი დაიწყებს ჩქერას.

1928

არ გამოტოვო სიახლეები!

გამოგვყევი ლიტკლუბის Facebook გვერდზე და გაიგე ჩვენი სიახლეები.

გამოგვყევი Facebook-ზე