ტექსტი

გრიგალმა გადაიარა

ტაბიძე გალაკტიონ

95276 ნახვა · დღეს 18

ციკლიდან „ეპოქა“

გაბედე გულში ჩახედვა,
იქ ნაპერწკალი ცივდება,
მალე სხივები გრძნობისა
ფერფლებად გადაცვივდება.
უჩქარე ისევ გაღვივდეს,
უჩქარე ისევ აენთოს,
ის საჭიროა ხალხისთვის
რომ სიბნელის დროს დაენთოს.
ხალხი ჯერ ტკივილებშია,
ოდნავ მოშუშდა იარა,
იქ ხომ მძლავრმა და მქუხარემ
გრიგალმა გადაიარა.

1928

არ გამოტოვო სიახლეები!

გამოგვყევი ლიტკლუბის Facebook გვერდზე და გაიგე ჩვენი სიახლეები.

გამოგვყევი Facebook-ზე