ტექსტი

თემა

ტაბიძე გალაკტიონ

95271 ნახვა · დღეს 16

ციკლიდან „ეპოქა“

ტბის ბროლება ელექტრონის
სიცილს იჭერს,
არაგვიდან ატრიალებს
შუქთა გიშერს.
აქ ახალი სიხარულის
ხელმა ჩადო
კილოვატთა, ფოლადის და
რკინის ჯადო.
და მაღლიდან ცისარტყელას
ალთა ცემა
მუდამ მძაფრი და ნათელი
არის თემა.

1928

არ გამოტოვო სიახლეები!

გამოგვყევი ლიტკლუბის Facebook გვერდზე და გაიგე ჩვენი სიახლეები.

გამოგვყევი Facebook-ზე