ტექსტი

მაღაროში

ტაბიძე გალაკტიონ

95277 ნახვა · დღეს 23

დაკარგული პოლიუსი
ირევა სიბნელეში,
როგორც მერყევი ბრბო.
შორიდან მოდის დღის სინათლე,
როგორც ცივი თვალი.
სინესტეში
მოსალოდნელია ბიბლიური წარღვნა.
აქ, სადღაც დამალულია
გრძნეული ოქრო.
ადამიანები ქედმოხრილნი და ოფლიანნი
ეძებენ მას.
მას,
რაზედაც ჩუმათ არიან.
ისინი კვნესიან მხოლოდ
და თხრიან მაღაროს.

1927

არ გამოტოვო სიახლეები!

გამოგვყევი ლიტკლუბის Facebook გვერდზე და გაიგე ჩვენი სიახლეები.

გამოგვყევი Facebook-ზე