ტექსტი

მღელვარება

ტაბიძე გალაკტიონ

95276 ნახვა · დღეს 16

გამწარებული ეხეთქება ტალღა ქვა-ლოდებს,
ხან გაიბრძოლებს გრგვინვა ჩქარ-ჩქარი.

თავგანწირული ოკეანე საზარლად გოდებს,
ქუხს, იმუქრება მეხის ხარხარი.

მაგრამ ჩემს ხომალდს არ აშინებს ბრძოლათა ხედვა,
იგი მოივლის ქვეყნის დასავალს!..

ამდიდრებს მისი გამძლეობა და გაბედვები
მხოლოდ პოეტის თავგადასავალს.

1927

არ გამოტოვო სიახლეები!

გამოგვყევი ლიტკლუბის Facebook გვერდზე და გაიგე ჩვენი სიახლეები.

გამოგვყევი Facebook-ზე