ტექსტი

კვლავ აელვარდა ირმის ნახტომი

ტაბიძე გალაკტიონ

95274 ნახვა · დღეს 16

კვლავ აელვარდა ირმის ნახტომი
და აირია ზეცათა რუქა,
იქ საიდუმლო სულ-ანახდომი
სამარადისოდ გადაილუქა.

აქ კი ნამდვილი, ჩუმი, ზღაპრული,
გარინდებული მთების სვეტები,
სადაც მდევების სილუეტები
დგას ხან მრისხანე, ხან დაზაფრული.

1927

არ გამოტოვო სიახლეები!

გამოგვყევი ლიტკლუბის Facebook გვერდზე და გაიგე ჩვენი სიახლეები.

გამოგვყევი Facebook-ზე