ტექსტი

ერთი გავარდნილი კაცი

ტაბიძე გალაკტიონ

95272 ნახვა · დღეს 22

აშრიალდა ნეშო ტყეში,
წამოვიდა ციდან თქეში,
ო, ასეთი სიხარული
არ მიგრძვნია მე ჩემს დღეში.

გადმოვარდნილ წვიმის სვეტებს
მზე ღრუბლიდან შუქს უმეტებს,
აელვარდა ცისარტყელა,
სჩანს რომ ბედი არ მიმეტებს.

რა რისხვაა თვალწარმტაცი,
ამოვარდა ქარი მკაცრი,
მე ხომ ხეებს ვეფარები
ერთი გავარდნილი კაცი.

1925

არ გამოტოვო სიახლეები!

გამოგვყევი ლიტკლუბის Facebook გვერდზე და გაიგე ჩვენი სიახლეები.

გამოგვყევი Facebook-ზე