ტექსტი

* * * ვეფხვი კასპიის პირად

ტაბიძე გალაკტიონ

95277 ნახვა · დღეს 21

ვეფხვი კასპიის პირად,
ჟანგი წითელი ფერის.
ელანდებოდა ხშირად
სოფელს სიმკაცრე მტერის.

აჰყვა მდინარეს მაღლა,
სად შამბია და შქერი,
ვეფხვმა არ იცის დაღლა,
განვლო ღელე და ჩქერი.

გზაზე მსხვერპლისა რიცხვით
ელვარებაა კბილის
და იდუმალი რისხვით
უახლოვდება ტფილისს.

1922

არ გამოტოვო სიახლეები!

გამოგვყევი ლიტკლუბის Facebook გვერდზე და გაიგე ჩვენი სიახლეები.

გამოგვყევი Facebook-ზე