ტექსტი

ბინდი ღამისა გაჰქრა

ტაბიძე გალაკტიონ

95273 ნახვა · დღეს 21

ბინდი ღამისა გაჰქრა,
ვით მოჩვენება მკრთალი,
აღმოსავლეთმა გაჰკრა
ყინვებს სხივების ალი.

ხავერდოვანი მდელო,
ხავერდოვანი მთები,
გატანილია ლელო
და აღტაცებით ვთვრები.

ო, რანაირად ერთო
სულს გატაცებით ქროლა,
მადლობელი ვარ, ღმერთო,
რომ განვიცადე ბრძოლა.

1922

არ გამოტოვო სიახლეები!

გამოგვყევი ლიტკლუბის Facebook გვერდზე და გაიგე ჩვენი სიახლეები.

გამოგვყევი Facebook-ზე