ტექსტი

დილა

ტაბიძე გალაკტიონ

95275 ნახვა · დღეს 21

თვალუწვდენი, მღელვარე ტბა
მზის სხივების ცეცხლზე გათბა...
ვარდს დაეცა გულზე წვეთი -
ცის წიაღით მონაკვეთი.
შეფართხალდა ცის ტოროლა
და მიდამო აათრთოლა!

აჭიკჭიკდი ტოტზე, ჩიტო,
იბრჭყვიალე, მარგალიტო...
და ხრიალით შავბნელ ხევში,
ნიაღვარო, გადაეშვი!
მსურს ნაღველი საბოლოვო
თქვენს უბიდან ამოვწოვო!..

1910

არ გამოტოვო სიახლეები!

გამოგვყევი ლიტკლუბის Facebook გვერდზე და გაიგე ჩვენი სიახლეები.

გამოგვყევი Facebook-ზე