ტექსტი
აღარა გვყავს ილია
ტაბიძე გალაკტიონ95273 ნახვა · დღეს 20
ძმებო, ამხანაგებო!
აღარა გვყავს ილია;
მისი შუბლი მზიური -
ტყვიით გაპობილია...
ფიცი დავდოთ: განვაგრძოთ
ილიას გზა ნათელი,
მტერზე შურისძიება -
ეს იქნება ნამდვილი!
ფიცი დავდოთ: სამშობლოს
მივცეთ ჩვენი ცხოვრება -
მკვლელზე შურისძიება
ამით გვემახსოვრება!
ძმებო, ამხანაგებო!
აღარა გვყავს ილია:
მისი შუბლი მზიური -
ტყვიით გაპობილია...
1907