ორი ლექსი (მთარგმნელი რუხაძე თამარ)

ტექსტი

ბალიში თბილია

ორივე მხარეს

მეორე სანთელიც იწვის

და ყვავი ჩხავის

სულ უფრო ახლოს.

არ მძინებია წუხანდელ ღამით

დამაგვიანდა...

სიზმარზე ფიქრი

რა აუტანლად თეთრია

თეთრ ფანჯარაზე ფარდა...

დილა მშვიდობის!

იგივე ხმა და იგივე მზერა.

ტილოს თმა იგივე.

ისევე, როგორც ერთი წლის წინათ.

და კედლებს, კირით აქათქათებულს

ააფერადებს ფანჯრიდან დილა...

ახალდაკრეფილ შროშანის სუნი

და შენი სადა სიტყვა.