ტექსტი

კუმისი

ტაბიძე გალაკტიონ

96950 ნახვა · დღეს 19

სილაჟვარდე მთვარის ჩუმის 
მოჰფენია ცისფერ კუმისს, 
ტბას დასცქერის მდუმარე ტყე 
მოდარაჯე ჩამიჩუმის.

დაფიქრების, პირმოკუმვის 
მოჩრდილება უვლის კუმისს, 
ღელავს ფერი ხავერდისა 
და სილბილე აბრეშუმის.

უეცრად შორს არღვევს ღუმილს 
ხსოვნა ცეცხლის და სამუმის, 
და ხმა ოძელაშვილისა 
სიმშვიდეშიც აკრთობს კუმისს.

არ გამოტოვო სიახლეები!

გამოგვყევი ლიტკლუბის Facebook გვერდზე და გაიგე ჩვენი სიახლეები.

გამოგვყევი Facebook-ზე