ისევ მწყალობს ტაროსი, დარდი არ მაქვს ამინდის:

ყველა არა - დღეს რომში მხოლოდ ჩემი გზა მიდის.

მალე უნდა დავბრუნდე, კმარა - რაც ვიგრიალე,

ჯერ კი ზღვასთან ჩაქვივით მელის აჩირეალე.

მელის სირაკუზა და სასტუმრო და ჩინარი,

მზე შინ შემოვიდა და ბავშვის მამაც შნ არი.

ყველა გზაჯვარედინზე მელის მუნჯი მისანი:

შუქნიშანის მაგიერ მხვდება კითხვის ნიშანი.

ადრე, როცა ცა იყო უფრო უსუფთავესი,

აუშენა უფალმა ყველას რომი თავისი.

და მე შემირცხვენია ბაღი სემირამიდის

და გზა იგი, რომელიც ქუთაისში არ მიდის.

2007