ტექსტი

სასაფლაო

ქინქლაძე ზაზა

4199 ნახვა · დღეს 22

  წვიმა ცრის თუ იცრემლება კიპარისი?!

  ცვარია თუ გარდაცვლილთა ცრემლებია?!

  რა ხანია, მათი ხმები აღარ ისმის,

  სული _ ზეცის, ძვლები მიწის მძევლებია.

 

  ზოგ კიპარისს აუწვდია ცად ხელები,

  ლოცულობენ და ვედრებით ირწევიან,

  აივლიან, ჩაივლიან მნახველები

  და სანთლები დუმილივით იწვებიან.

არ გამოტოვო სიახლეები!

გამოგვყევი ლიტკლუბის Facebook გვერდზე და გაიგე ჩვენი სიახლეები.

გამოგვყევი Facebook-ზე