* * * მე დასასრულის დავნებდი სურვილს

მე დასასრულის დავნებდი სურვილს,
საუკუნენი ისევ მიჰქრიან.
ნისლივით სუსტი ვის მივცე სული,
მე ჯერ ამაზე არ მიფიქრია.

როცა ყოყმანობ... ყოფნაა ძნელი,
დამბედებია გზები ირიბი.
ალესილია თიბათვის ცელი
და ბალახების ისმის ტრიალი.

ცხოვრებას ვენდე... ოცნება თეთრი
მას ვუსახსოვრე, როგორც ყვავილი.
დედამიწაზე გზა არის ერთი,
რომც არ გინდოდეს, მაინც გაივლი