ტექსტი
არხევს ახალი სიცოცხლის აკვანს
ტაბიძე გალაკტიონ106455 ნახვა · დღეს 20
ეს გაზაფხული გამძაფრებული
პატიმრობისას გაარღვევს საკანს,
გახარებული ხელის კანკალით
არხევს ახალი სიცოცხლის აკვანს.
გაცოცხლებულა ირგვლივ ყოველი,
მფეთქავი ძალა არეს ჰფენია,
სულ რომ არ იყო ქვეყნად ღიმილი,
შეხედე, ახლა რაოდენია!
მჩქეფარე წყაროს, ამოყრილ ხეებს,
ჩვენს განახლებას ეუბნება ბანს,
ეს გაზაფხული უხარებს დღეებს
და არხევს ახალ სიცოცხლის აკვანს.