ტექსტი
* * * "შემომაბერდნენ ლექსები"
ჯავახაძე ვახტანგ27123 ნახვა · დღეს 19
შემომაბერდნენ ლექსები,
ჩარითმეს წიგნის არშია:
ეჰ, ჩემი უმრავლესობა
უკეთეს ქვეყანაშია.
თავისუფალთა ზონიდან
მივდივარ ნაცნობ ნაძვებთან,
გამიწყრა ტელეფონი და
სალამი გამინაწყენდა.
ასაკმა დამისურათა
ოთხივე აღმოსავლეთი:
ვარსკვლავთა დიქტატურა და
გაქვავებული სალუტი.
ვარამი შემომეყარა,
გრძელია მისი არსება,
უარესების ქვეყანა
ვარსკვლავებს ეთამაშება.
ჩარითმეს წიგნის არშია:
ეჰ, ჩემი უმრავლესობა
უკეთეს ქვეყანაშია.
თავისუფალთა ზონიდან
მივდივარ ნაცნობ ნაძვებთან,
გამიწყრა ტელეფონი და
სალამი გამინაწყენდა.
ასაკმა დამისურათა
ოთხივე აღმოსავლეთი:
ვარსკვლავთა დიქტატურა და
გაქვავებული სალუტი.
ვარამი შემომეყარა,
გრძელია მისი არსება,
უარესების ქვეყანა
ვარსკვლავებს ეთამაშება.